| Ming's profileMing-ImagePhotosBlogLists |  Tools  Help |
|
|
5/18/2009 黄埔古港游又系开心嘅一日，今日几兜友仔去咗黄埔古港，搵传说中嘅“猫记”，食艇仔粥。
大家一早（讲系咁讲，其实都系约11点）就去珠泳搭229，向黄埔古港进发。呢度应该都仲保留咗以前渔村嘅基本面貌，无小洲村开发得咁犀利，感觉比较原始。 229总站有哒吉地，有篮球架同足球龙门，大家一路等紧辉辉，一路plan紧下次带埋波嚟打。  辉辉到~~~一到就同建绪鸡deung吾断
  到咗“猫记”，劲多人，不过都吾使等好耐就有位了。呢度除咗执台同埋单之外，其它一律采取自助形式。想等人服侍你啊？林下你呢餐俾几钱先啦~~~
  当然除咗艇仔粥，我地仲叫咗其它嘢食嘅，反正最后食到饱，埋单61啦。
食饱饱，系条村度行咗圈。
Mo：哇~~~跟错阿妈喔~~~ 力：第日实吾识游水啦~~~
 哇~~~咩事咁大镬？？？立晒架撑，又双节棍又大关刀。   其实原版系咁嘅，无咩咁激动，不过就真系研究紧隔离祠堂摆住嗰D大关刀。
 双妹唛扮门神
 你影我，我又影返你姐~~~
 跟住整两张对比大嘅
  临走前去甜品店食咗个甜品——牛初乳，2000大洋1个嫁（玩开心网玩到上晒脑
 ） 睇下辉辉几enjoy~~~
最后整返啖透心凉嘅雪碧，舒服到啊~~~ 留意下鱼个嘴角，有残留自制酸奶
 古港游就此划上圆满句号，出去郊外呼吸下新鲜空气，好过成日都唱K啦。玩成日一人都吾使20蚊。美好嘅回忆啊~~~明猪台吾知要到几时先可以约齐晒所有人去丧玩一次了。唯有期待啦~~~
p.s. 姜撞奶 crossover HK8888烈火战车
 To be continued...请留意更多精彩内容——球场战记 1/31/2007 玩转长隆 本来17号嗰晚就已经想写呢篇嘢了，估吾到等到今日先得闲写。我地宿舍今次出游嘅地点就系大家都想去咗好耐嘅长隆欢乐世界，咁巧我妈又识人可以帮我地拿到团体八折优惠价，所以有个好嘅开始。 入咗场之后，大家林住先玩D吾好咁激嘅项目，再慢慢加强，于是我地第一个挑战嘅项目就系摩托过山车。D摩托车型就几型喇，不过坐落去就吾多舒服，因为佢要将你成个人向前压落部车度，所以大家都觉得压住个心口（死啦，我个胸本来都细了，仲要俾佢咁压法，真系……唉~~~），D男仔仲觉得顶住**添（大家明啦）。之前听邓伯伯讲摩托过山车得个起步快，之后就无乜嘢了，所以咪林住用嚟热身咯。点知佢吾净系起步快，后面D离心力都几紧要，再加上成个人向前“钟”，你都米话吾系嘢。 揸完摩托之后，大家就玩咗几个相对无咁刺激嘅项目，不过嗰D转到头晕嗰D就梗系吾使预我啦。做完一轮热身之后我地决定向健力士世界纪录——十环过山车挑战。当我坐上去嘅时候真系好惊，因为系下面睇人地玩嗰阵就觉得好快，想象吾到自己玩嗰阵会系咩感觉，真系有D想临阵缩沙嫁。不过当佢开始上到最高点开始冲落去嘅时候我就吾惊了，仲觉得好刺激好FUN添。咁大个女第一次玩咁好玩嘅过山车啊，一D都吾惊，一方面我本来就吾多惊嗰D离心力嘅嘢，另一方面佢嘅设计令人吾觉得有好大离心力，但系就觉得好刺激同好好玩。我个人都系衰嫁喇，初三去欢乐谷玩跳楼机又系咁，今次玩十环又系咁，坐上去嗰阵惊到咩咁，玩完一次落嚟之后就吾舍得走了。结果又玩多咗次。另外值得一提嘅就系晨姨嗰D特别搞笑嘅尖叫声，真系为呢个十环之旅增添咗吾少欢乐。第日去玩机动游戏一定要坐晨姨附近，胜在够搞笑啊吗。有机会大家一定要去试下十环过山车啊，包你话正！ 今次嘅旅程比较遗憾就系无玩到跳楼机，我满心期待去挑战，点鬼知佢居然话“机器维修”。仲有我去亲呢D游乐场都会玩嘅激流冲浪居然又吾开，真系激死我了！！所以决定玩多次过山车补数。 特别提醒大家，有几个项目最好吾好玩。首先系丛林漂流，完全无意思，又吾刺激，又吾好玩，仲要搞到你成身湿晒。最抵死系吾系河入面D水整湿你，系佢有个瀑布会有水兜头淋落你度，想吾湿都吾得嗰只。跟住就系疯狂巴士，虽然系儿童项目，不过吾知点解个个玩完之后都觉得吾舒服。估吾到我地会衰系佢手上。 成个长隆入面最得人惊嘅项目应该系U型滑板，我地9个人入面净系得夫人同滔滔两个“勇士”上咗去挑战（大家似乎都俾个疯狂巴士削弱咗战斗力）。我地系下面睇住佢地玩。成个过程好快，但系我地系下面睇住都觉得好得人惊。后来问返佢地，夫人话快到都未识得惊就已经完咗，滔滔就话离心力超级大，我林仲会大过跳楼机。学晨姨话斋，跳楼机个G=9.8m/s，滑板个G>9.8m/s（好PRO啊~~~）。边位仁兄有兴趣又有胆量嘅就一定要试下喇！！ 耐无写嘢啊，有D语无伦次添。今次长隆之旅大家都玩得好开心，希望呢D聚会第日可以有多D机会啦！！！ |
|
|
