| Ming's profileMing-ImagePhotosBlogLists |  Tools  Help |
|
11/30/2008 我的娘家——Manpower Manpower Temp Team要嫁女喇~~~个女系边个？之吾系我咯~~~ 其实入到Manpower真系几好彩，点讲我都只系一个应届毕业生，可以话乜经验都无，但Yuki都肯推荐我，Jenny同Paulina又肯收我，真系多谢你地啊。入到Temp，就更加开心了，同事对我都好nice。特别系Stella，从第一日开始就好照顾我，教我好多嘢，跟住你，真系包吾会死错人啊，如果吾系你，我都可能无咁快可以融入呢个大家庭啊。Paulina呢个BM又系好人到无嘢讲，成日都会制造D机会俾我学嘢，而且我觉得我有好多不足嘅地方你都见到，只系吾讲出口，多谢你顾全我嘅面子啊。Jenny平时好忙，但都会记得时时提点我，又俾好多支持我，连嗰晚咁闷嘅training你都仲赞我讲得好，搞到我都吾多好意思了。JoJo同我一样，会戴大眼con，会玩开心网，会傻闹闹咁笑，我觉得我同你会几岩key嫁。仲有Bear、Linda、Suki，你地都对我好好啊。除咗我地Temp Team嘅同事，仲有Vimi、Fiona、Orchid、Sophia，中午同你地一齐食饭真系好鬼开心啊，每日我都好enjoy中午食饭嘅时间，因为可以同你地一齐吹水，讲下八卦嘢，讲下是非，胃口都好D啊。 下个月开始，我要派去Chevron做receptionist，佢地原来嗰个要生BB了，所以我大概会过去半年。对于我嚟讲，应该都算系一个发展嘅好机会吧，而且，我终于吾使咁guilty了，因为吾使Temp Team继续白养我，我帮Jojo fill咗一个order，我可以有贡献了。 中午大家话帮我搞farewell，Sophia同Stella仲特登为咗我加餸，大家都食得好饱啊。临走，Stella执俾我嗰一大袋“嫁妆”，Jenny同我讲嘅嗰句“欢迎常回来娘家看看”，都令我觉得好窝心。虽然大家都话星期五系我嘅last day，不过其实我吾系咁想认同呢种讲法，我觉得我依然仲系Manpower嘅人。虽然大家都叫我认真D做，到时转正做Chevron嘅员工，不过我林半年后我依然会想返Manpower，想继续同大家做同事，因为Manpower先系我嘅娘家，因为Manpower我先有机会入到Chevron。我都知道身在曹营心在汉吾系咁好，不过我始终都会挂住呢个大家庭，始终都会认为我系其中嘅一份子。 我要出发喇，从呢一刻起，我就系代表Manpower出征嘅勇士。既然出得去，我就一定会俾心机，好好表现，绝对吾会丢Manpower嘅假。我好有信心我可以做得好，因为我系Manpower train出嚟嘅人才啊！ TrackbacksThe trackback URL for this entry is: http://aming0429.spaces.live.com/blog/cns!DA00CAE06527942F!805.trak Weblogs that reference this entry
|
|
|
