| Ming's profileMing-ImagePhotosBlogLists |  Tools  Help |
|
4/2/2009 Apr 1st 临训前，写D嘢纪念下今日先...
4月1日，愚人节（呢个大家都知啦）。印象中好耐无系呢日搞D乜嚟愚人了，而且每年都吾会特别防范其他人，今年都吾例外，毫无防范，结果俾嘉碧仪“愚”咗一镬，好傻咁浪费咗两条短信。
4月1日，哥哥（张国荣）逝世六周年。今时今日都仲好记得，高二嗰晚，晚自修完咗，因为太夜，打的返屋企。系车度听到哥哥跳楼嘅新闻，当时仲以为愚人节玩嘢，但听真D就发觉事态严重，返到屋企新闻就出晒街了。《东邪西毒》终极版全球播放，应该有一部分原因系要缅怀哥哥，始终，用电影嚟缅怀佢，系再好不过了。我林，哥哥嘅逝世之所以会令咁多人觉得惋惜，系因为佢系独一无二的，用“芳华绝代”嚟形容佢系再贴切不过了（当然我觉得呢个词形容梅姐都好合适）。试问依家嘅娱乐圈，可以做到哥哥咁用情用心去演戏唱歌嘅又仲有几多个人呢？依家D所谓“小生”“花旦”，挨几晚通宵就话辛苦，叫佢地吾好去蒲夜场又话无自由，求其有几个人认得佢地就戴晒cap帽黑超出街扮晒低调，仲话人地追住佢攞签名骚扰佢私人时间。艺人系一份工作，无演技无唱攻嘅人就系吾应该从事呢份工作，吾可以因为搵得多钱，就一窝蜂咁涌入嗰个圈子，咁样只会拉低呢个行业嘅整体水平。哥哥，一代巨星啊，我到依家都吾明点解佢要选择咁可悲嘅方式嚟结束自己嘅生命。当然，佢当时嘅心情只有佢自己先了解，作为fans嘅我地，都只能够哀叹一声。娱乐圈系咪真系可以做到“长江后浪推前浪”呢？I don't think so...
4月1日，老豆新历生日（本来佢计旧历嘅，不过因为年年吾同，结果就拣咗最特别嗰日）。今日同佢庆祝，佢居然话依家无晒呢D概念，我地吾提佢都吾记得咗。究竟系真系吾记得，定系有意想吾记得呢？毕竟年纪越嚟越大，对数字会越嚟越敏感吧，care年龄吾系后生仔女嘅专利啊。Anyway，祝老豆生日快乐，身体健康！！！ TrackbacksThe trackback URL for this entry is: http://aming0429.spaces.live.com/blog/cns!DA00CAE06527942F!914.trak Weblogs that reference this entry
|
|
|
