| Ming's profileMing-ImagePhotosBlogLists |  Tools  Help |
|
4/30/2009 生日随笔 今年嘅生日好忙，好充实。 首先晨七咁早过咗工商局，搞公司个营业执照延期，今次比预期顺利好多，15分钟就搞掂咗成个procedure。之后，中午就过咗岑村考四选三。一直我都系四个学员之中学得最快最好嗰个，今日考单边桥同侧方位都做得好好，点知斜坡起步就老猫烧须了。第一次停早咗，离合格位仲有一截就刹停咗。好在第二次过关，安全pass四选三。不过系岑村返出嚟嘅途中就俾教练“问候”咗几分钟，虽然已经预咗会系咁（上次考倒桩已经领教过一次），不过今日都要俾人“问候”总系觉得吾系几爽。算！当佢唱歌！教练话“请你好好放低”姐（睇过黄子华栋笃笑嘅就应该会明白我咩意思）...今晚同屋企人去“鸟语花香”食咗餐劲嘅，饱到依家。 本来好多嘢想写，因为过去一年经历咗吾少嘢，但今日实在好攰好攰，所以决定吾写了，该记得嘅总会记得。 最后，例牌多谢下祝福我嘅朋友仔（希望吾好漏咗你啦）： 小学：静、昕、鸡哥 初中：明猪台仝人（吾list出嚟了，点名多谢鱼同欣两个死党，你地送嘅礼物我都好中意）、肥男、翀、欣欣乖女 高中：崔（未到正日已经俾电话我了）、韵、秋、嘉碧仪、龙（上年话送只歌俾我，今年又打算送咩呢？不过你记得都吾错了）、杨、钱（多年无见喇）、珈宜、鱼、英雄 大学：傻Mo（中意你送嘅礼物）、欣明、娴娴（年年都同我一齐过生日，真系好）、晨（多谢你从大洋彼岸送俾我嘅祝福）、Winbee、滔滔、诗（我们都是好同志啊）、国2班嘅同学仔 其他：咸庞、钊（你系今年最意外嗰个）、大雄（我地都算不“打”不相识了）、Fatcat（下年记得送只真嘅蛋糕啊）、隽、Yen、开心网同校内网嘅一班朋友仔（虽然系虚拟，不过都系一份心意） 哇~~~原来已经咁夜了，系时候训了，听日仲要返工。新一年要继续努力啊，努力工作，努力生活，努力生存。 This year will kick last year's ass...finger crossing... TrackbacksThe trackback URL for this entry is: http://aming0429.spaces.live.com/blog/cns!DA00CAE06527942F!916.trak Weblogs that reference this entry
|
|
|
